1. Kanner hunn et gär, wann Eltere mat hinnen zesummen e Buch kucken oder hinne virliesen. Da fillen si sech gebuergen.
2. Mat Billerbicher léieren d’Kanner schwätzen a liesen. Billerbicher hëllefen hinne bei hirer Entwécklung.
3. Mat Billerbicher léieren d’Kanner genee hikucken an hir Gefiller besser kennen. Hire Wuertschatz gëtt méi grouss, wa si reegelméisseg virgelies kréien.
4. Billerbicher kann een zu all Moment a bei all Geleeënheet kucken a liesen.
5. Billerbicher reegen d’Fantasie un. D’Kanner kënne selwer eppes erschafen; si fuerschen, léieren an entdecken hir Ëmwelt.
6. Mat Billerbicher léieren d’Kanner nei Welte kennen; nei Erfarungen ënnerstëtze si an hirer Entwécklung.
7. Billerbicher si kleng Konschtwierker, déi de Kanner vermëttele wéi ënnerschiddlech Biller a Geschichte kënnen erzielt ginn.
8. Billerbicher mat einfachem Text a kloren, impressionnante Biller sinn eng grouss Hëllef beim Lieseléieren.
9. All Kéier wann d’Kand e Billerbuch kuckt, kann et eppes Neies entdecken: nei Themen, nei Wierder, nei Meenungen.
10. Billerbicher si stabil a mat Léift gemaach. Si kënnen e Liewe laang halen an ëmmer erëm an iwwerall gekuckt ginn.

Download : Mat Billerbicher kann een besser grouss ginn.

© Freed um Liesen asb