DE BUCHTIPP AM ADVENT 2024

1. ADVENT

Maude de Bel, Stefano Martinuz
Lëtzebuerger Ausgab: Sonia Thewes (Iwwersetzung)
Perspektiv Editions 2024, 32 S., ISBN: 9782919813728
Präis: 15,50 €

Franséisch Originalausgab: «Quand je serai grand, je serai Saint-Nicolas », Editions Mijade

D’Joffer freet d‘Kanner, wat si wëlle ginn, wann si emol grouss sinn. Bauer, Bäcker …
An de Philippe? Ma dee wëllt „Kleesche“ ginn. Alles laacht.
Mee et ass dem Philippe eescht! Sollen se dach laachen. An hie fänkt un, sech Gedanken ze maachen a gëtt aktiv.
Wat muss een iwwerhaapt alles hunn, fir esou auszegesinn ewéi de Kleeschen?
Eng Mitra, e Staf an natierlech e wäisse Baart!
Mee geet dat duer? Ass e Kleeschen net awer e bëssche méi wéi just de richtegen Outfit? Et gëtt nach vill ze plangen an ze üben!
An enges Owes, et ass alles däischter a roueg! A wie sëtzt do an der Stuff? De Kleeschen – also dee richtegen!!
A wat soll deen da vum Philippe sengem Beruffswonsch halen?

Eng superléif Geschicht, fir iwwert de Kleeschen ze schwätzen. Mee och doriwwer, firwat dee Mann iwwerhaapt sou komesch Kleeder unhuet an och driwwer, wat esou alles zum Kleeserchersdag gehéiert.

Iwwregens:

• „Niklos-Expo – Niklosduerstellungen an -traditiounen zu Lëtzebuerg”
  Nach bis den 8. Dezember an der Porkierch zu Dikrech

• „Grousse Kleeserchersdag“, de 6.12./14:00-17:00 zu Dikrech

           Spill, Spaass, Sangen a Roden fir Familljen.

          An Zesummenaarbecht mat der Maison Relais, Dikrech

          De ganze Programm: www.ewb.lu

Da wënsche mir Iech elo, datt de Kleeschen (dee richtegen) et och gutt mat iech mengt an d’Tellere gutt gefëllt sinn.

Danielle Mertes, Freed um  Liesen asbl